Владеачката ВМРО-ДПМНЕ –Берово во очајни обиди да го добие вториот изборен круг воБерово се служи со закани и уцени од секаков вид, нуди се што не е реално само за да ги привлече неопределените гласачи и оние кои насила ги истерале да гласат за нив, а гласачите во знак на револт го прешкртале гласачкото ливче.
ВМРО-ДПМНЕ и нејзиниот кандидат за градоначалник Драги Наѓински деновиве  во очајни обиди бидејќи  го немаат мнозинството во Советот, се служат со уцени кон советниците на опозиционата листа од Сојузот за иднината, доколку не добијат глас за мнозинство во Советот на општина Берово ќе напакостуваат на секој можен начин, удирајќи лично по нивнииот углед, интегритет и достоинство.

Актуелниот градоначалник што бара уште еден мандат за градоначалник на општина Берово,  заради “неговото отчетно и одговорно владеење” е човек кој во изминативе 4 години со платата  од Градоначалник си купи стан во Скопје. Вработените во институциите под надлежност на општина Берово со долгогодишно искуство, а недекларирани како ДПМНЕ ги истера од работа, а на нивно место стави послушници од ДПМНЕ, со несоодветно образование, без искуство, измислени работни места, само за да ги збрини сите партиски војници, кои земаат плата на терет на општинскиот Буџет наменет за развој на општината. За работните  места  кои нема кадар во ДПМНЕ од Берово  се примаат на работа луѓе од соседните општина, само и само да не се запослуваат луѓе кои немаат членски книшки од ДПМНЕ.  Актуелниот градоначалник кога ја презеде функцијата прв човек  на општина Берово  затече многу изготвени проекти од претходната власт, финансирани  преку европските фондови за поддршка на неразвиените подрачја, УНДП, УСАИД, Швајцарска агенција за обнова и развој,  само парите за реализиација на истите пристигнаа  во текот на неговиот мандат.

При посетата на кандидатот за градоначалник од Сојузот за иднината Звонко Пекевски  во т.н. Ромско Маало во Берово, Ромите го изразија својот револт од ВМРО-ДПМНЕ, кои користејќи ги своите функции на директори на јавни установи им се заканувале дека ќе им ја укинат социјалната помош ако не гласаат за нив. Уплашени побараа совет каде да се обратат и да ги пријават малтретирањата  од владеачката партија, која не престанува со секакви методи да ги притиска да гласаат за нив. Ден пред да отиде Сојузот за иднината во Ромското маало ВМРО-ДПМНЕ делеле брашно, шеќер и други прехранбени продукти за да ги  купуваат како гласачко тело.

Караванот Сојуз за иднината синоќа го посети најодалеченото село во општината Двориште, како дел од предизборните активности на широката коалиција. Пред жителите на селото се обрати носителот на советничката листа на Сојузот за иднината Антонио Двојаковски, од име на советничкиот тим и од име на кандидатот за градоначалник од Сојузот за иднината Звонко Пекевски, кој од здраствени причини не можеше да се обрати пред жителите на селото Двориште. Антонио Двојаковски вети чесна и одговорна работа, со многу труд и посветеност од идниот советнички тим во Советот на општина Берово, кој секогаш ќе донесува одлуки и ќе дава идеи во интерес на граѓаните. Доколку ја добие довербата од граѓаните Звонко Пекевски  ќе се заложи за реконструкција на улиците во Тренчовската маала и во Добрилачка маала. Програмата на Сојузот за иднината предвидува и решавање на проблемот со пристапните патишта до имотите на месното население , кој се отежнати за движење поради движењето  на тешките трактори и камиони со трупци. Ќе бидат изградени мостови на потребните места на  реката Царинска.